سەرکۆماری قرغیزستان، سەدر کاپارۆڤ ڕایگەیاند: “بەمەبەستی بەهێزکردنی پەیوەندی هاوبەش لە بواری گواستنەوە لە نێوان وڵاتانی ئەندامی ڕێکخراوی دەوڵەتانی تورک، پرۆژەی دروستکردنی هێڵی ئاسنینی چین- قرغیزستان-ئۆزبەکستان جێبەجێ دەکەین”.
لە میانی بەشداری کردنی لە لووتکەی نافەڕمی سەرۆک دەوڵەتەکانی ڕێکخراوی دەوڵەتانی تورک (TDT) کە لە شاری شوشەی ئازەربایجان بە دیداری “بنیاتنانی داهاتوویەکی بەردەوام لەگەڵ پەیوەندی گواستنەوە و جووڵەی کەشوهەوا” بەڕێوەچوو، کاپارۆڤ گوتارێکی پێشکەش کرد.
کاپارۆڤ باسی لەوە کرد کە ئاسیای ناوەڕاست پێگەیەکی ستراتیجی لە بواری گواستنەوە و بازرگانییدا هەیە و، ڕایگەیاند: “بەمەبەستی بەهێزکردنی پەیوەندی هاوبەش لە بواری گواستنەوە لە نێوان وڵاتانی ئەندامی ڕێکخراوی دەوڵەتانی تورک، پرۆژەی دروستکردنی هێڵی ئاسنینی چین- قرغیزستان-ئۆزبەکستان جێبەجێ دەکەین”.
گوتیشی: “ڕێگای ئاسنینی نێوان چین-قەغیزستان-ئۆزبەکستان توانای گواستنەوەی نوێ بۆ وڵاتانی ئەندامی ڕێکخراوی دەوڵەتانی تورک بەدیدەهێنێت و بازاڕی نوێی لۆجستی دەکاتەوە”.