(لەپێناوی نەهێشتنی تەفرەقە)
– مەبەستم لەم نووسینە کەم کردنەوە ونەهێشتنی ئەم حاڵەتە نەخوازراوەی نێوان ئیمانداران کە هەموو یەک مەڕجەعمان هەیە کە قوڕئانە وفەرموودە کە بەیانی قوڕئانە ویەک قیبلەمان هەیە وئەو قوڕئانە داوای خۆشەویستی یەکترو یەکڕیزی وهاوکاری یەکتر ئەکات ،(وَٱلْمُؤْمِنُونَ وَٱلْمُؤْمِنَٰتُ بَعْضُهُمْ أَوْلِيَآءُ بَعْضٍۢ …) وە ئەفەرموێ (وَلَا تَنَٰزَعُواْ فَتَفْشَلُواْ …) وە چەندەها ئایەت وفەرموودەی تر،بەڵام بە داخەوە ئەبینین ئێستا ئیمانداران بە ژمارە لە هەموو حیزب وگرووپێ زیاترین بەڵام بە واقع لاوازن، ئەویش هۆکاری دەرەکی و ناوخۆیی هەیە، جا ئێمە هەوڵ بدەین ئەوەی بەدەس خۆمانە هەر یەک لە ئاست شەخس وگرووپ حیزب وبنەماڵەو عەشرەتی خۆی، بەلای کەم من وتۆ بۆ قیامەتی خۆمان ،هەوڵی چارەسەری بدات،
لێرەدا پێم باشە بوونی حیزبی ئیسلامی وگرووپ وزۆری مەزهەب و بۆچوونی جیاوازی سەلەف و خەلەف لەناو خۆمان وموسڵمانانا، نەکەینە بیانوو، چونکە ئەوە حاڵەتی سرووشتی دینەکەو زمانی عەرەبی قوڕئان وسرووشتی جیاوازی تێگەشتنی مرۆڤەکان بە درێژایی مێژووی مرۆڤەکان ئەوەی درووست کردووە ،(وَلا يَزَالُونَ مُخْتَلِفِينَ إِلَّا مَنْ رَحِمَ رَبُّكَ وَلِذَلِكَ خَلَقَهُمْ …) جا هەوڵی نەهێشتنی ئەو حاڵەتە هەر کەسێ یان جەمعێ تر بیدا،جەمعێ تر زیاد ئەکات و ماندو بوونی بۆ ئەمێنێتەوە،چونکە هەندێ لە جیاوازیەکان کردەیەکی خواییە وبەردەوام ئەبێت، بەڵام وەزیفەی ئێمە درووست کردنی محەببەت وتەبایی وزیارات وهاوکاری وپشتی یەکگرتنی ئەوەی ئەهلی ئیمان و ئەهلی قیبلەیە،بەرامبەر ئەهلی کوفر وئیلحاد زاڵمان،جا بانگخوازو مەلای دڵسۆز وسەرکردەی ئیسلامی دڵسۆز ئەوەیە کە هەوڵ بدات لە گەڵ بوونی ڕاو مەزهەبی جیاوازی خۆی لە گەڵ هەموو ئەوانەی تر تەباو هاوکار و هەوڵی یەکڕیزیان بدات وپێکەوە هەوڵی دینداری خەڵک بۆ ڕزگاری ڤیامەتیان و بۆ دنیاش هێنانە کایەی سیستەمێکی عەدالەت وخزمەت گوزار بۆ هەموو هاووڵاتیانی میللەت بە بێ جیاوازی دین ومەزهەب وبنەماڵە، پێغەمبەر وسەروەری دڵسۆزو حەکیممان (بە هەزاران دروودی لەسەربێ) وای کردو بەوە سەرکەوت ،
بەڵێ دوو بەرەی بۆ قیامەت درووست کرد، بەرەی ئیمان وبەرەی کوفر، ئەوە حسابیان لای خوای زانا دانایەو لە قیامەتە ( الا من تولی وکفر فیعذبه الله العذاب الاكبر٫٫)بەڵام لە بەرەی ئەهلی ئیمان کە پێغەمبەر قیادەی ئەکرد ،مهاجر وئەنساری تیا بوو،مونافقی تیابوو عبد اللە کوڕی ابی جەماعەتەکەی، جولەکەی مەدینەی تیابوو هەتا خیانەتیان کرد،مەککەی ومەدینەیی تیابوو ئەوس خەزرەجی تیابوو توندی بۆچوونی ئیبن عمر و ئاسانکاری ئیبن عباسی تیابوو سرووشت وتەبیعەتی ابو زەڕڕو بلالی تیابوو،کێشەیان ئەبوو ،پێغەمبەر دروودی خوای لە سەر هەوڵی چارەسەری ئەدا، وبەم جیاوازیانەوە ئیدارەی بەرەی ئیمانی ئەکرد ،بەڵام من وتۆ ئەمانەوێ بەرەکەمان هەمووی وە ک من وتۆ بیر کاتەوە، کە ئەوە موستەحیلە ولە من وتۆ گەورەترو عالم تر هەوڵی دا نەیتوانی ئاخری فەرمووی( قولی صواب یحتمل الخطٲ،وقول غیری خطٲ یحتمل الصواب )واتە فتوای من بەڕاستی ئەزانم بەڵام لەوانەیە ههڵە بێت، وە فتوای بەرامبەرم لای من هەڵەیە بەڵا لەوانەیە لەوەی من ڕاستر بێت وبەوە چارەسەری جیاوازی فتواکان کراو ئەوە ئێستا سەرمایەیەکی زۆر ڕاو فتوای جیاوازمان بۆ جێماوە لە عقیدە وعیبادات وئەحکام معامەلا ت وسیاسات ،لە سەلەفی ساڵحەوە، پاشان ، بەرەی ئیمان ئەبێ هەوڵی ئاشتی ئارامی بدات لەگەڵ ئەهلی کوفراو پێکەوە هاوکار بن بۆ ئیدارەی دونیایی ووڵات،تەنها لە دوو حاڵەتا ئیماندار قبووڵی پێکەوە بوون ناکات لەگەڵیان: ( قاتلوکم فی الدین واخرجوکم من دیارکم..)دژایەتی دین و دەرکردن لە خاک ونیشتمان..ئیتر جیاوازیەکانی تر بەحیوار ولێک گەشتن ویەک قبوڵکردن ئەبێت چارەسەر ببێت ،بە جیاوازی دین ومەزهەب وڕای جیاوازەوە.