زۆرترین یاری MOBA ی مۆبایل بەردەوامە لە فراوانبوون
لەگەڵ وردەکاری زیاتر دەربارەی وەرزی دووەمی پاڵەوانێتی Invitational
وە جامی جیهانی وەرزشی ئەلیکترۆنی
حوزەیرانی 2024 – دوای ئەوەی لە مانگی شوباتی ساڵی ڕابردوودا یاری Honor of Kings لە عێراق بڵاوکرایەوە، کاتی ئەوە هاتووە یاریزانانی سەرتاسەری جیهان تیپ پێکبهێنن و لە شەڕی ستراتیژی تونددا ڕکابەری بکەن لەگەڵ وەشانی Honor of Kings کە ئەمڕۆ لەسەر ئامێرەکانی iOS و ئەندرۆید لە ژاپۆن ، کۆریا و باشووری ڕۆژهەڵاتی ئاسیا و ئەمریکای باکوور و ئەوروپا بڵاودەکرێتەوە. بەم بۆنەیەوە کۆمپانیای TiMi Studio پەرەپێدراو و Level Infinite بڵاوکەرەوەی یارییەکە ڤیدیۆیەکی نوێی تیزەری بڵاوکردەوە.
جگە لەوەش هەر 86 پاڵەوانە ڕەسەنەکە، لەنێویاندا پاڵەوانی نوێ سۆن سی، لە مانگی یەکەمی نمایشکردندا بێبەرامبەر بەردەست دەبن، بۆیە یاریزانەکان دەتوانن پاڵەوانەکان بدۆزنەوە و هەڵیبژێرن کە لەگەڵیاندا بگونجێت. هەروەها دەرفەتی ئەوەیان دەبێت کە بە بێبەرامبەر دەستیان بە 28 لەو پاڵەوانانە و 21 ستایل بگات، کاتێک هەندێک چالاکیی لەناو یارییەکەدا ئەنجام دەدەن.
هەروەها مانگی یەکەمی دوای ئەم دەستپێکردنە هاوبەشی لەگەڵ بڕاندەکانی SNK، Saint Seiya، Hello Kitty و Bruce Lee بەخۆیەوە دەبینێت.
یارییە داهێنەرەکەی MOBA بۆ ئامێرە مۆبایلەکان، Honor of Kings، بە شێوەیەک دروستکراوە کە بەردەوام بێت لە پەرەپێدانی خۆی هاوتەریب لەگەڵ نوێترین پێشکەوتنەکانی مۆبایلەکان، لە هەمان کاتدا پاراستنی بنەما سەرەکییەکانی ئەم یارییە کە بریتین لە:
- یاریکردنی بێبەرامبەر و بردنەوەی دادپەروەرانە: گۆڕەپانێکی یەکسانە کە سەرکەوتن بەپێی لێهاتوویی و تاکتیکی یاریزانەکان دیاری دەکرێت نەک چەند خەرجی یاریزانەکان.
- دەستڕاگەیشتنێکی پێشکەوتوو بۆ هەمووان: قەبارەی سەرەتایی دابەزاندنی یارییەکە تا دەتوانرێت کەم بێت بۆ ئەوەی ئامێرە بیرگە سنووردارەکان لەخۆبگرێت. TiMi گەشەپێدەر ئارەزووی ئەوە دەکەن بەردەوام کاربکەن بۆ یەکخستنی تایبەتمەندییەکانی ئامێرە مۆدێرنەکان و باشترکردنی ئەزموونی یاریکردنی گشتی.
- کارەکتەرە سەرنجڕاکێشەکان و ناوەڕۆکی سەرنجڕاکێش: لە مانگەکانی داهاتوودا، ڕیزبەندی سەرەتایی یارییەکەپەرەپێدەدرێت، کە لە کاتی نمایشکردندا 86 پاڵەوانی جیاواز و 100 ستایلی لەخۆگرتبوو، جگە لە چالاکیەکانی ناو یارییەکە، کە هاوبەشی لەگەڵ گەورەترین بڕاندەکان و کەسایەتییە بەناوبانگەکان لەخۆدەگرێت لەسەر ئاستی جیهانی و ناوچەیی.
- کۆمەڵگەیەکی دۆستانە کە چەندین لێهاتوویی جۆراوجۆری هەیە: Honor of Kings شانازی بە دابینکردنی کۆمەڵگەیەکی یاریکردنەوە دەکات کە یاریزانە هاوشێوەکان دەتوانن لەگەڵ یاریزانانی ئاستی لێهاتوویی هاوشێوەدا کۆببنەوە و ڕکابەری بکەن.
بۆ زانیاری زیاتر لە بیرۆکەکانی TiMi گەشەپێدەر، سەیری ئەم ڤیدیۆ بەخێرهاتنە بکەن
Honor of Kings یاریزانەکان لەسەر یەک سەکۆ کۆدەکاتەوە لە هەر شوێنێک بن، بە 14 زمان، تۆڕێکی جیهانی سێرڤەر، ڕیزبەندییەکی هەمەچەشنی پاڵەوانەکان، و ناوەڕۆکێکی هەمەچەشنی کولتووری کە یاریزانانی سەرتاسەری جیهان لەخۆدەگرێت.
هەواڵی وەرزشی ئەلیکترۆنی
لە 29ی حوزەیرانەوە، 13 تیپ لە وڵاتانی ڕۆژهەڵاتی ناوەڕاست، باکووری ئەفریقا، باشووری ڕۆژهەڵاتی ئاسیا، بەرازیل، تورکیا، ئەمریکای لاتین و ڕۆژئاوای ئەوروپا لە مۆڵی سەنوای ڤێلۆسیتی لە کوالالامپوری پایتەختی مالیزیا کۆدەبنەوە بۆ ئەوەی لە وەرزی دووەمی پاڵەوانێتی Honor of Kings Invitational دا بەشداری بکەن، کە ئەمەش وا دەکات تیمە بەشداربووەکان بتوانن کێبڕکێ لەسەر پشکێک لە خەڵاتەکانی 300 هەزار دۆلار بکەن، لەگەڵ دەرفەتێک بۆ تەرخانکردنی هەشت کورسی گەرەنتیکراو بۆ بەشداریکردن لە قۆناغی ناوەڕاستی وەرزی پاڵەوانێتی Honor of Kings Invitational.
لە میانی مۆندیالی وەرزشی ئەلیکترۆنیدا، قۆناغی ناوەڕاستی وەرزی Honor of Kings Invitational باشترین 12 تیپ لە سەرانسەری جیهان کۆدەکاتەوە بۆ ئەوەی ڕکابەری لەسەر پشکێک لە خەڵاتی پاڵەوانێتییە 3 ملیۆن دۆلارییەکان بکەن.
بۆ زانینی نوێترین وردەکارییەکان، تکایە سەردانی پەڕەی وەرزشی ئەلیکترۆنی Honor of Kings بکەن و هەژمارە فەرمییەکانمان لە سەرانسەری فەیسبووک،X (تویتەر)، ئینستاگرام و یوتیوب.
###
دەربارەی Honor of Kings
Honor of Kings لەلایەن گروپی ستۆدیۆی TiMi پەرەی پێدراوە، بووەتە بەناوبانگترین یاری MOBAی مۆبایل لە جیهاندا بە زیاتر لە 200 ملیۆن بەکارهێنەری تۆمارکراو و زیاتر لە 100 ملیۆن یاریزانی ڕۆژانە چێژ لە شەڕە سەرنجڕاکێشەکانی تیمەکان وەردەگرن. یاری Honor of Kingsتایبەتمەندی دیزاینی کارەکتەرەکان، سەنگەرێکی شەڕی زۆر ورد و هەمەچەشن، و مۆسیقایەک کە لەلایەن ئاوازدانەرە بەناوبانگەکانی جیهانەوە دروستکراوە؛ لەوانەش هانس زیمەر و جۆ هیسایشی و هاوارد شۆر، بۆ نوقمکردنی یاریزانەکان لە جیهانێکی ناوازە و ڕەنگاوڕەنگدا. Honor ofKingsشانازی بەوە دەکات کە ئازادە لە یاریکردن و ڕاستگۆیە لە بردنەوە، کە سەرکەوتن بەپێی لێهاتوویی و تاکتیکی یاریزانەکان دیاری دەکرێت نەک چەند خەرجی یاریزانەکان. هەروەها Honor of Kings شوێنی ئیکۆسیستەمێکی گەشەسەندووی وەرزشی ئەلیکترۆنییە کە پشتگیری لە یاری کێبڕکێ دەکات، لە ئاماتۆرەکانی بنەڕەتییەوە تا پیشەگەرەکان. بۆ زانیاری زیاتر سەردانی ماڵپەڕی فەرمی بکەن.
دەربارەی Level Infinite
Level Infinite مارکەی جیهانی یاری Tencent ە. کۆمپانیاکە پابەندە بە گەیاندنی ئەزموونی یاریکردنی جیاواز و داهێنەرانە بۆ بینەرانی جیهانی، لە هەر کاتێکدا و لە هەر شوێنێک کە یاریکردنیان هەڵبژارد، هەروەها بە بنیاتنانی کۆمەڵگەیەک کە پەرە بە گشتگیری و پەیوەندی و دەستڕاگەیشتن بدات. هەروەها بڕاندەکە کۆمەڵێک خزمەتگوزاری و سەرچاوەی بەرفراوان پێشکەش بە تۆڕی گەشەپێدەرانی هاوبەش و ستۆدیۆکانمان دەکات لە سەرانسەری جیهان بۆ ئەوەی یارمەتیان بدات لە ئازادکردنی توانای ڕاستەقینەی یارییەکانیان. هەروەها کۆمپانیای Level Infinite بڵاوکەرەوەی یارییە سەرکەوتووەکانی وەک PUBG MOBILE و Goddess of Victory: NIKKE و SYNCED ە؛ هاوکارێکی هاوبەشە لە یارییەکانی وەک Warhammer 40,000: Darktide ی Fatshark و Dune: Awakening ی Funcom و Nightingale ی Inflexion Studios و چەندانی تر. بۆ زانیاری زیاتر لەسەر Level Infinite سەردانی http://www.levelinfinite.com/ بکەن و لە تویتەر و فەیسبووک و ئینستاگرام و یوتیوب فۆڵۆومان بکەن
دەربارەی گروپی TiMi Studio
گروپی TiMi Studio کە لقێکی کۆمپانیای Tencent Gamesە، تیمێکی پێشەنگی جیهانییە بۆ پەرەپێدان و کارپێکردنی یارییە ڤیدیۆییەکان کە هەوڵدەدات کوالێتی کات بەسەربردن بۆ یاریزانە جیهانییەکان باشتر بکات. بارەگای سەرەکی کۆمپانیای TiMi لە شاری شێنژن لە چینە و ئۆفیسەکانی لە مۆنتریال، لۆس ئەنجلۆس، سیاتڵ، سەنگافورە، شەنگەهای و چێنگدویە؛ ئەوان یاری کوالێتی بەرز و دڵسۆزی بەرز و داهێنەرانە لە سەرانسەری کۆمەڵەیەک و سەکۆی بەرفراوان دروست دەکەن. کۆمپانیای TiMi لە ساڵی 2008 دامەزراوە و کۆمەڵێک نازناوی سەرکەوتووی پەرەپێداوە لەوانە Honor of Kings، Speed Drifters، Arena of Valor. هەروەها کۆمپانیای TiMi هاوبەشێکی متمانەپێکراوی هەندێک لە گەورەترین بڕاندە یارییەکانی جیهانە، کە ناونیشانی AAA ی وەک Call of Duty: Mobile و Pokémon UNITE و یەکەم یاری شەڕی ستراتیژی تیپی Pokémon دروستکردووە، یاریAge of Empires Mobile. بۆ زانیاری زیاتر لەسەر TiMi، فۆڵۆوی @timistudios بکەن لە لینکیدئین.