وەزارەتی بەرگری ڕووسیا لە ڕاگەیاندراوێکدا ڕایگەیاند: شەوی ڕابردوو ڕێگری لە هەوڵی ئۆکرانیا بۆ هێرشکردنە سەر خاکی ڕووسیا كرا و 114 فڕۆکەی بێفڕۆکەوانی سەر بە کیێڤ لەناوبران.
لە ڕاگەیەندراوەکەدا هاتووە: “70 فڕۆکەی بێفڕۆکەوان لە ئاسمانی کریمیا و دەریای ڕەش، 43 فڕۆکەی بێفڕۆکەوان لە ناوچەی کراسنۆدار و 1 فڕۆکەی بێفڕۆکەوان لە ناوچەی ڤۆڵگۆگراد بەهۆی سیستەمی بەرگری ئاسمانی ڕووسیا لەناوچوون”.
هەروەها ٦ ئۆتۆمبێلی دەریایی بێ سەرنشین کە سەر بە هێزی دەریایی ئۆکرانیا بوون لە باکووری ڕۆژئاوای دەریای ڕەش لەناوچوون.
ڤێنیامین کۆندراتیف، پارێزگاری ناوچەی کراسنۆدار لە ڕووسیا لە کەناڵی تێلێگرامی خۆی ڕایگەیاند: بەهۆی کەوتنی بەشەکانی فڕۆکە بێفڕۆکەوانە کەوتووەکەی ئەم ناوچەیە، کەسێک گیانی لەدەستداوە و تێرمیناڵی پاس و دامەزراوەکانی گەرمکەرەوە زیانیان بەرکەوتووە.