سه‌ڕه‌ڕاى ئه‌وه‌ى رۆژى له پێنجشه‌ممه‌ى رابردووه‌وه به‌غدا پاره‌ى موچه‌خۆرانى هه‌رێمى كوردستان ناردووه، به‌ڵام وه‌زاره‌تى دارایی حكومه‌تى كاربه‌ڕێكه‌رى هه‌رێم ئه‌م ئێواره‌یه لیستى موچه‌ى فه‌رمانبه‌رانى دام و ده‌زگاكانى هه‌رێمى كوردستانى راگه‌یاند
به‌پێى راگه‌یه‌ندراوێكى وه‌زاره‌تى دارایی حكومه‌تى كاربه‌ڕێكه‌رى هه‌رێم، له رۆژى سێشه‌ممه‌وه تا پێنجشه‌ممه موچه‌ى مانگى پێنجى سه‌رجه‌م دام و ده‌زگاكانى هه‌رێم دابه‌شده‌كرێت، جگه له موچه‌ى هێزه ئه‌منیه‌كان و خانه‌شینى پێشمه‌رگه، كه ئه‌و دوو چینه به‌هۆى گه‌نده‌ڵى له لیسته‌كانیان به‌غدا سه‌رقاڵى دووباره پێداچوونه‌وه‌یه به ناوى موچه‌خۆره‌كان.