لە ئەنجامی هێرشێکی چەکداری لە ویلایەتی ئۆهایۆ، کەسێک گیانی لەدەستدا و ٢٦ کەسیش برینداربوون.
شەوی ڕابردوو لە هێرشێکی چەکداریدا لە ئاهەنگێکی لەدایکبوون لە شاری ئەکرۆن لە ویلایەتی ئۆهایۆ، کەسێک کوژرا و 26 کەسیش بریندار بوون.
پۆلیسی ویلایەتی ئۆهایۆ رایگەیاند: لە دوای هێرشەکە ژمارەیەکی زۆر قەوانی فیشەک لە ناوچەکە دۆزراونەتەوە و وادیارە هەندێک کەس لە ئاهەنگەکەدا بە دەمانچە وەڵامی هێرشبەرەکەیان داوەتەوە.
پۆلیسی ویلایەتی ئۆهایۆ راشیگەیاند: لە ئەنجامی ئەم هێرشەدا پیاوێکی تەمەن ٢٧ ساڵ کوژراوە.
هێزە ئەمنییەکان لە شوێنی ڕووداوەکە چەکێکیان دەستکەوتووە، بەڵام تا ئێستا هیچ تۆمەتبارێک دەستگیر نەکراوە.