وتەبێژی یەكگرتووی ئیسلامی كوردستان جەخت دەكاتەوە كە لەگەڵ ئەوەدان لە زووترین كاتدا هەڵبژاردنی پەرلەمانی كوردستان ئەنجام بدرێت.
مامۆستا خەلیل ئیبراهیم وتەبێژی یەكگرتووی ئیسلامی كوردستان بە سپێدەی ڕاگەیاند: وەك یەكگرتوو لەگەڵ كۆتایی هاتنی وادەی یاسایی خولی پێنجەمی پەرلەمان داوامانكرد هەڵبژاردن لەكاتی خۆیدا بكرێت ، بەڵام بە كۆمەڵێك پاساو ، وادەكەیان دواخست ، ئێمە بۆ 10 ی حوزەیرانیش ئامادەیی تەواومان دەربڕی و سەرجەم ڕێكارە یاساییەكانمان تەواو كرد ، بەڵام جارێكی تر لەسەر ویست و داوای حزبەكانی دەسەڵات هەڵبژاردن دواخرا ، ئێستاش ئێمە وەك یەكگرتوولەگەڵ ئەوەین چیدیكە هەڵبژاردن دوا نەخرێت بۆئەوەی لەمە زیاتر دامەزراوە شەرعیەكانی هەرێم نەكەونە ژێر پرسیارەوەو هاوڵاتیانیشمان لەوە زیاتر متمانەیان بە دەسەڵاتەكان لاواز نەبێت.