ئەمرۆ یەکشەممە “مەسعوود پزیشکیان” سەرۆک کۆماری ئێران ،ئامادەیی وڵاتەکەی دەربڕی بۆ هەڵدانەوەی لاپەڕەیەکی نوێ لە پەیوەندییەکانیان لەگەڵ وڵاتانی دراوسێ و کەنداو.
پزیشکیان لە لێدوانێکی ڕۆژنامەوانییەکاندا کە ئاژانسی هەواڵی عێراقی (INA) وەریگرتوە، ڕایگەیاند: ئێران ئامادەیە لاپەڕەیەکی نوێ لە پەیوەندییەکانی لەگەڵ وڵاتانی دراوسێی لە کەنداو هەڵبداتەوە.
ووتیشی: پتەوکردنی پەیوەندییەکانی ئێران لەگەڵ دراوسێکانی لەم ناوچەیەدا، بەتایبەت لەگەڵ وڵاتانی ئەنجومەنی هاوکاری کەنداو، هەڵگری پەیامی ئاشتی و برایەتی و گەشەپێدانە.